અનુભવગમ્ય

અત્યંત રસીલી દૂધચાંદની ક્યારેક નિહાળું છું,

ત્યારે મને તો નર્મદાનો કિનારો,

આરસના પહાડો,

વહેતા પાણી અને ગંભીર ગહન ઉભેલા

દેવદારના જંગલો યાદ આવે છે !

કોઈ અત્યંત વિલાસવતી મદભર નારી જાણે

પોતાનો પાલવ છૂટી રીતે પથારી દીધો હોય,

એવી આ રસળતી પડેલી ચાંદની જોઇને

મને તો થાય છે કે અરે ! આ ચાંદની

કોઈ દિવસ `છીપ જાતી`ન હોય અને એમાં ફરતા,

ફરવાનો પણ અંત ન હોય

ધૂમકેતુ (રજકણ માંથી )

વિદ્યા વાંઝણી રેહશે

 

ભણવું એ તો જીવનમાં સંસ્કાર પૂરવા માટે છે,

પુરુષો જેવી રીતે ભણવાગણવાનો ઉપયોગ

સારી નોકરીની શોધ  માટે કરે છે.

લગભગ તેવો જ બજારુ ઉપયોગ

જો સ્ત્રીઓ પણ પોતાની વિદ્યાનો કરશે તો

વિદ્યા પર કલંક ચડશે ને વિદ્યા વાંઝણી રેહશે  .

ધૂમકેતુ ={વાર્તા :બિંદુ (મલ્લિકા) માંથી }

પરિવર્તન

૮૦ ટકા ખેડૂત-મજુરને લુંટવા માટે,

---

વકીલો ડોકટરો કે ભણેલાઓ વ્યવસ્થિત ટોળી બાંધે તે

---

બહુમતી પ્રજાજીવન કે રાજકીય જીવનનો વિકાસ નથી .

---

એ માત્ર ચાતુરી ભરેલી લુંટ જ છે :

---

એનો બદલો ભયંકર પરિવર્તનમાં જ આવે છે .

---

એવું પરિવર્તન વર્ષોનાં વર્ષો છાનું પડ્યું રહે છે .

---

અને થાય છે ત્યારે ચોવીસ કલાકમાં થાય છે .

---

ત્યારે એને કોઈપણ જાતની મર્યાદા રેહતી નથી.

ધૂમકેતુ …