સ્વર્ગ ?

મુર્ખાઓ ! તમને કોણે કહ્યું કે સંસાર કરતા સ્વર્ગ વધારે સોહામણું છે ?

સ્વર્ગમાં પરિશ્રમ અને પ્રયત્ન ક્યાં છે ?

સ્વર્ગમાં વેદનાને કોણ જાણે છે ?

હા એટલું ખરું ,

સંસાર માંથી પ્રયત્ન, પરિશ્રમ, અને વેદના લઇ લઈએ તો

સંસાર સ્વર્ગ જેવો બને ખરો –

વિવિધતા વિનાનો, એકધારો, આળસુ, ને વ્યાજ ઉપર જીવનારો

જનનીભાવ

કોઈપણ નારીએ ગમે તેવા કપરા સંયોગોમાં પણ

એક વસ્તુ છોડવાની નથી અને તે એનો વિશ્વવ્યાપી જનનીભાવ.

રખડું, લફંગા, ઠગ, ચોર, ખૂની, શઠ, ઘરવિનાનાં, ભિખારી –

સૌના અંતરમાં એક અવિચલ શ્રદ્ધા નથી કે ,

તેઓ ગમે તેટલા રખડતા હોય ને ગમે તેવા દુષ્ટ હોય ,

પણ ગમે તે પ્રદેશના ગમે તે એકલદોકલ ઝાડ નીચે ,

કોઈપણ અજાણી નારી એમને બે ઘડી માટે જનની ભાવથી છાઈ દેશે?

આ મહાન આશા વિના તો કોઈપણ માણસ કાંઈપણ

સાહસ કરી શકે ખરો ?

બોલ્શેવીઝમ ?

હાઈલાઈટ કરેલા વાક્યો પર કર્સર રાખશો તો શબ્દનો અર્થ સમજાશે ..આભાર

બે મારવાડી બાઈઓ ભર્યું ગાડું જોતરે છે;

---

અને એક શેઠાણી મોટર હાંકવાનો પ્રયત્ન કરતી હોય છે .

---

જેને દ્રષ્ટિ હોય તે જોઈ લે કે બોલ્શેવીઝમ

---

અથવા કોઈ પણ ‘ઈઝમ ‘ ના બીજ અહી પોષાય છે.

---

એક જીવન જીવવા શરીર નીચોવી નાખે છે , બીજી

---

વખત ગાળવા જીવન નીચોવી નાખે છે .

---

ધૂમકેતુ =